International

තුර්කියේ භූ කම්පනයෙන් මියගිය සංඛ්‍යාව 26,000 කට ආසන්න වෙයි

Sunday, 12 February 2023 - 8:49 am

තුර්කි භූ කම්පනය හේතුවෙන් මියගිය පුද්ගලයින් සංඛ්‍යාව 26,000 කට ආසන්නවී ඇති බව විදෙස් මාධ්‍ය වාර්තා කර තිබෙනවා. ඒ අනුව තුර්කියේ මරණ සංඛ්‍යාව 22,327 ක් පමණ වන අතර සිරියාවේ පුද්ගලයින් 3,553 ක් පමණ මියගොස් ඇති බවයි සඳහන් වන්නේ. භූමිකම්පාවෙන් පසු සිරියාවේ මිලියන 5.3 ක ජනතාවකට නිවාස අහිමිවී ඇති බවයි එක්සත් ජාතීන්ගේ සංවිධානය සඳහන් කරන්නේ. රිච්ටර් මාපකයේ 7.8 ක ප්‍රබලත්වයක් පෙන්වූ මෙම භූ කම්පනය පසුගිය 06 වැනිදා එරට වේලාවෙන් අලුයම 4.00 ට පමණ සිදුව තිබූ අතර භූ කම්පනය සිදුවූ ප්‍රදේශය තුර්කි-සිරියා දේශසීමාවේ පිහිටා තිබෙනවා.