පිරිමි පහකට එකක් සහ ගැහැණු හයට එකකට පිළිකාව වැළඳීමට ඉඩ ඇත

මේ වන විට ලොවපුරා පිළිකා රෝගීන් මිලියන 18.1ක් අළුතින් හඳුනාගෙන ඇති අතරම 2012 වර්ෂයේ මිලියන 14.1ක් රෝගීන් වාර්තා වී ඇති අතර එයින් මිලියන 8.1ක් මියගොස් ඇති බව පිළිකා සම්බන්ධ පර්යේෂණ කරන ජාත්‍යන්තර සංවිධානයක් වාර්තා කර ඇත.


මෙම පිළිකා සම්බන්ධ පර්යේෂණ කරන ජාත්‍යන්තර සංවිධානයේ වාර්තා වලට අනුව සෑම පුරුෂයන් පස් දෙනකුගෙන් එක් අයෙකුටම හා සෑම කාන්තාවන් හය දෙනෙකුගෙන් එක් අයෙකුටම පිළිකාව වැළඳීමට ඉඩ ඇති බවයි.

එසේම ධනවත් රටවල් සඳහා මෙහි අවදානම වැඩි බවද වාර්තාවේ සඳහන් වන අතර ඔවුන් සඳහන් කරන්නේ මෙය ජීවන රටාව හා බැඳී පවතින රෝගයක් බවයි.

ලෝකයේ රටවල් 185කින් වර්ග 36ක පිළිකා හඳුනාගෙන ඇති අතර මේ අතරින් පෙනහළු පිළිකා, කාන්තාවන්ගේ පියයුරු පිළිකා සහ අන්ත්‍ර පිළිකා බහුල බවද සඳහන් වේ.

මේ අතර රෝගීන් වැඩිපුරම වාර්තා වන්නේ ඇමරිකාව, හංගේරියාව, ඩෙන්මාර්කය, චීනය සහ නවසීලන්තය යන රටවල් වලිනි.ඔවුන්ගේ නිගමනයට අනුව ද පිළිකා සඳහා එක් ප්‍රධාන හේතුවක් වී ඇත්තේ දුම්කොළ භාවිතය බව ද සඳහන් කරති.

කෙසේ වුවද මෙම වර්ෂයේ (2018)සිදුවූ මරණ වලින් හා රෝගීන් වාර්තාවීම් සම්බන්ධයෙන් ආසියාව ඉදිරියෙන් සිටින බව සදහන් කරයි.