පාසල් අරින්නේ ගුරුවරුන්ට දෙවැනි එන්නත් මාත්‍රාව දුන් පසුයි

සියලුම ගුරුවරුන්ට කොරෝනා මර්දන එන්නතේ දෙවැනි මාත්‍රාව දුන් වහාම පාසල් සෞඛ්‍ය ආරක්ෂක වැඩපිළිවෙළක් යටතේ විවෘත කරන බව අධ්‍යාපන අමාත්‍ය මහාචාර්ය ජී.එල්.පීරිස් මහතා පාර්ලිමේන්තුවේදී අද (3) පැවැසීය.

රටේ ගුරුවරුන්ගෙන් සියයට 84 කටඑන්නතේ පළමු මාත්‍රාව ලබා දී අවසන් යැයිද හෙතෙම සඳහන් කළේය.

අධ්‍යාපන ඇමතිවරයා මෙසේ පැවසුවේ මාතලේ දිස්ත්‍රික් මන්ත්‍රීනී රෝහිණී කුමාරි විජේරත්න මහත්මිය මතු කළ ප්‍රශ්නයකට පිළිතුරු දෙමිනි.
ගුරුවරුන්ගේ වැඩ වර්ජනය නිසා විශාල අසාධාරණයක්වී ඇත්තේ අඩු වරප්‍රසාදලාභී දරුවන්ට බවත් වරප්‍රසාද සහිත දරුවන් අන් කාලවලදීටත් වඩා ඉගෙනීම් කටයුතුවල නියැළෙන බවත් ජී එල් පීරිස් මහතා ප්‍රකාශ කළේය.

මේ තත්වය නිසා දරුවන්ගේ අධ්‍යාපනය ගැන මෙයට වඩා අවධානය යොමු කරන්නැයි ගුරුවරුන්ගෙන් ඉල්ලා සිටින බවද ඔහු පැවසුවේය.
පාසල් සැමදා වසාගෙන සිටීමට හැකියාවක් නැතැයි අධ්‍යාපන ඇමැතිවරයා වැඩිදුරටත් කීවේය.