ඔබ දක්ෂ - ලස්සනම කෙනා නොවෙන්න පුලුවන් - ඒත් ඒක එතනින් ඉවර නැහැ.

රූපයත්, මොලයත් කියන 2ම තනි තනි විදියට උනත් මහා පරිමාණයෙන් හැමෝටම ලැබෙන්නෙ නැහැ.
ඒත් ඔබට රටට - ලෝකයට වැඩදායි කෙනෙක් වෙන්න රූපයවත්, මොලයවත් අත්‍යාවශ්‍ය නැහැ..
මට මතකයි කාලෙකට කලින් එක්තරා නාලිකාවක ටෙලි නාට්‍යයක් පෙන්නුවා. ඒකේ ප්‍රධාන චරිතය උනු කාන්තා චරිතය කළු කෙනෙක්, ඒ තරම් රූපසම්පන්න නෑ. ප්‍රියමනාපත් නැහැ. මුලදි මතත් ඒ චරිතයට කැමති නැහැ. නමුත් කාලයක් යද්දි ඊට වඩා රූමත් චරිත වලට වඩා අපි අර චරිතයට කැමතියි.
මොකක්ද ඒකට හේතුව ?
හේතුව ඇය හොඳ චරිතයක් නිරූපණය කිරීම.
අපි සමාජයේදී උනත්, දක්ෂ, ප්‍රියමනාප ලස්සන චරිත වලින් බලාපොරොත්තු වෙනවා, ඔවුන් හොඳ - යහපත් අය කියල. රූපයෙන්, දක්ෂතාවයෙන් වැඩි නම් අපි හිතාගන්නවා ඒ අය නිහතමානි, යහපත් අය කියල.
ඉතින් අපි හැමෝම වගේ වෙලාගෙන ඉන්න මායාව දැන් පැහැදිලිද ?
ඔබ දක්ෂයෙක්, ගොඩක් රූමත් කෙනෙක් නොවෙන් පුලුවනි. ඒනිසාම මුල් කාලයේ සමහර අයව ඔබව ගණන් නොගෙන ඉන්න, එහෙම නැත්නම් නොසලකා හරියන්න පුලුවන්. ඒත් ඒ අයම පසුකාලීනව ඔබේ යහපත් ගති දැනගත්තාම ඔබට කැමති වෙන අවස්ථා අත්විඳ තියෙනවද ??
ඒක තමයි ඇත්ත. හැමෝම වගේ කැමති දක්ෂකමටවත්, රූපයවටත් නෙමෙයි, හොඳ ගති ගුණ වලට..
ඔබ යහපත් කෙනෙක් නම්, අන් අය ගැන හිතනවා නම්, කරුණාවන්ත, සංවේදි කෙනෙක් නම් කවදා උනත්, මොන තත්වයෙන් ඔබ හිටියත් ඔබට කැමති අය ඉදීවි.
ඒ තුලම ඔබ ඇති කරගන්න අධ්‍යාත්මික ගුණ ධර්ම ඔබට ජිවිතය පුරාම ආශිර්වාදයක් වේවි !
ජීවිතේ හැමෝටම වරදින්න වගේම හරියන්නත් ලොකු වෙලාවක් නොයන්න පුලුවන්, කෙනෙක් වයස 20දි කරන දේවල් තව කෙනෙක් 30 දි කරන්න පුලුවන්. ඒක එක එක්කෙනාගේ ජිවිතේ අනුව වෙන දේවල්..
ඒත් හැමදාම හොඳින් ඉන්න උත්සහ ගත්තොත්, එහෙම හිටියොත් කවදම උනත් සැනසීමෙන් ජිවිතේ හැමදාම ඉන්න පුලුවන්..

සුකුමාල් හරිස්චන්ද්‍ර