ගෝඨා ඇමෙරිකානු පුරවැසිබව ඉවත් කර ගත් බව බැසිල් කියයි

හිටපු ආරක්‍ෂක ලේකම් ගෝඨාභය රාජපක්‍ෂ මහතා මේ වනවිට ඇමෙරිකානු පුරවැසිබව ඉවත් කරගෙන තිබෙන බව ශ්‍රී ලංකා පොදුජන පෙරමුණේ ජාතික සංවිධායක බැසිල් රාජපක්‍ෂ මහතා අද (8) පැවැසීය.
එමෙන්ම ඇතැමුන් ගෝඨාභය රාජපක්‍ෂ මහතාට දැඩි බියක් දැක්වුවද ඔහු දරුණු පාලකයකු නොවන බවත් කීය. අල්ලසට දූෂණයට එරෙහිව දැඩිව කටයුතු කරන ගෝඨාභය රාජපක්‍ෂ මහතා කළමනාකරණයෙහි ඉතාමත් දක්‍ෂයකු යැයිද බැසිල් රාජපක්‍ෂ මහතා කීය.
ශ්‍රී ලංකා පොදුජන පෙරමුණ කොළඹ කිංස්බරි හෝටලයේදී අද (8) පැවැත්වූ මධ්‍ය හමුවකට එක්වෙමින් එහි ජාතික සංවිධායක බැසිල් රාජපක්‍ෂ මහතා මේ බව සදහන් කළේය.
මෙම මාධ්‍ය හමුව සදහා ශ්‍රී ලංකා පොදුජන පෙරමුණේ සභාපති මහාචාර්ය ජී.එල් පීරිස් හා මහලේකම් නීතීඥ සාගර කාරියවසම් යන මහත්වරු ද සහභාගී වූහ.