බුදු දහමේ දායකත්වය එක්සත් ජනපදය පොහොසත් කෙරුවා

බුදු දහම ලොවට ගෙනහැර පෑ ගෞතම බුදුරජාණන් වහන්සේ සිහිපත් කිරීමට ලොව පුරා බෞද්ධ ජනතාව එක්ව සිටින මේ මොහොතේ, දයානුකම්පාව, ත්‍යාගශීලීබව සහ සාමය වැනි සාරධර්මවලට එක්සත් ජනපදය ගරු කරන බව එරට රාජ්‍ය ලේකම් මයික් පොම්පෙඕ පවසයි.

එක්සත් ජනපදයේ ජනතාව වෙනුවෙන් මැයි මස 18 වැනි දිනට යෙදෙන වෙසක් උත්සවය සමරන සියලු දෙනාට සාමය හා සතුට පිරි වෙසක් දිනයක් වේවායි ප්‍රාර්ථනා කරමින් එක්සත් ජනපද රාජ්‍ය ලේකම්වරයා මෙම වෙසක් පණිවුඩය ඉදිරිපත් කරයි.

එමෙන්ම, එරට බෞද්ධ ප්‍රජාව එක්සත් ජනපදයේ සහ එම ජනතාවගේ ශක්තියට දායක වන බව පවසන රාජ්‍ය ලේකම්වරයා, වසර 2000කට වඩා වැඩි කාලයක සිට බුදු දහම ලෝකයට ලබාදී ඇති දායකත්වය එක්සත් ජනපදයේ සංස්කෘතිය හා ඉතිහාසය පොහොසත් කොට ඇති බවද පවසයි.